Tajung inyakdi

“O Kibuba, nai kü tebang mechi lapokjang; Aser kü tebang agi nü nüngsang sayutsü” T.Ken 51: 15
Yisu asoba mapang nung benshitsüba aser inyaktsüba tajungtiba mapaji, tatok ya ka asütsü. Yisu Khrista alimai aruba nükjidong tulutiba rongnung ka ji nuburtem nem tatok bener arutsüba ya lir aser shirisa iba Khrista dak amangdir, kati ka nem tatok agütsütsü tim. Kechiyong Khrista alima nung alidang Pai nütsüngtem dang tangar nem tatok agütsütsü ajungshi.
George Herbert-i ashiba agi “Nisung shibai tatok magütsüteter, pai pa aotsü apu (bridge) raksar.” Asen tsükchir nem tatok agütsütsü ya kanga temelabo masü, saka kodang asen-i iba mapa tajung sarasadema inyaktsü melungtetdir, Tsüngrem-i iba mapa inyaktsü asen nem tashi tasen balaka agütsütsü. Yisu Khrista aruba ajanga tanü asenok alangzüker, aser iba sempet ya tuluba lir. Pa asoba benjong tulu nung asen medemer, kinünger aser kiyonger den sempet lemsatepa amongba ama …. taküm Khristmas nung asenoki kodanga tai metokteti aliba nisung ka den tatok ya lemsatepti aser Tsüngremer temoatsü tulu agidi.
Sarasadem : Kibuba Yisu tanü iba anogo tulu nai onok nem bener arutsüba asoshi kanga pelar, na alimai aruba ajanga nai onok tai atoker. Amen