Takok aser temoatsü ngur na koda alir ?

Pai parnok dang tepila o shir; pai sarasademtsü tenemi atu. Mark 6:40
Tanela nung takok ngur nai kechi inyaker? Ne Khristan taküm nung tematiba jenjang ka atongdang nai kechi inyaker?
Yisuibo sarasademi ao. Yisui ango ana aser amtsük pungoi telokti chiyungdaktsür, Pai sayatenya mapa inyakba nung anisüngzüka pela maliasü saka pai tenemi atu aser sarasadem.
Taküm nung langka ajurutsü mesura tongtipang telemtetba ka agitsü süra Yisui sarasadema renemshiba angur. Takok ngua langka inyakteter külena Pai sarasadem.
Aiben aseni wadang tulu tasak ka mesüra langka tongtipang nüngdak inyaktsü süra kanga sarasademer. Saka ibaji takok ngua tembanger matongdang sarasademba ama sarasadem masür. Takok ngur pela alidang, Ainkar Elijah ama, mashi mapang ka nung meimlai alidang koda masüba osang, tia ajurutsü anungji renema atatsüla. Takok anguba mapang nunga Kibuba dangi oang. Yisu taküm nungi angazükdi.
Sarasadem : Mapang ajak nung Nü den sarasadem ajanga lungjema lidi. Amen.