Mokokchung, September 21 (TYO): Longleng district kübok aliba Christian School Tamlu aser Government High School nung azüngertem atema “Adolescent & Health” omen nung ajemdaker September 20 nü health camp den repsema medical awareness sentong ka Christian School Tamlu nung agiogo. Iba sentong nung kaketshir 250 dak tali arua shilem agia liasü, ta osang ka ajanga metetdaktsü.
Iba sentong ya Tamlu Sub-Division Administration aser Mobile Medical Unit (MMU), Community Educational Centre Society (CECS) nati külem sür ayongzük. Iba sentong tenzükja Tamlu EAC Nükshimatongi asen taküm nung anema alitsü asoshi tim merükmejua alitsü asoshi teinyaktsü kar lemsatepa liasü.
Dr. Bendangkokba Alinger-i “Adolescent and Health” onük dak ajemdaker tagitsü o aika lemsatep. MMU Coordinator S. Limawapangi kaketshirtem dang tanü lanurtemi ajuruba lokti temenen indang lemsatepa liasü. Sentong nung Christian School Head Master, Shaophen Phom onir liasü.
MMU ya CECS kübok kongsang ka lir aser iba telok ya yimdak yimtsüng nung health care atema inyaker The Hans Foundation-i nungita yarir.
Tamlu nung kaketshirtem atema health camp agi added by nungsang on
View all posts by nungsang →
You must be logged in to post a comment Login