Tan hopta Iran Tir, Hassan Rouhani-i India semdangtsü

New Delhi/Tehran, Tsükali 12 (Agencies): Tan hopta Iran Tir, Hassan Rouhani-i anogo asemnü atema India semdangtsü, ta tanü osang ka ajanga metetdaktsü.
Yangtepnü (Brihostibar) Rouhani, India tonga arutsü aser India lenirtem den regional aser alima onüktem nung o lemteptsü, ta semi-official ISNA news agency ajanga metetdaktsü.
Yaküm India Ato kilonser, Modi-i India semdangtsü atema Iran Tir, Rouhani jaoka liasü, ta parnokisa metetdaktsü.
India aser Iran nati tongtibang project aika senteper inyakogo, aser item project rongnung yaküm Luchii (December) ita nung Iran nung semzükba Chabahar port dena lir.
Iran linük indang totzü aser gas alizükba linüktem tongti rongnung India densema lir, ibayongji 2012 aser 2016 küm Iran nunger nuclear programme anema International linüktemi Iran nem tenokdangba kar agüja liaka India-i iba linük den shishilembabaren nung tensendaktep tajung ayur.