Tanü Assam ghonda 12 mokdanger

Dimapur, July 6 (TYO) : July 7, 2015 nü Assam nung telok balala longjemer ghonda 12 mokdangtsü ayongzüka lir anungji Assam adena senzürtem kümdangtsüla, ta Addl. Dy. Commissioner of Police/PRO Dimapur-i sangdong ka ajanga metetdaktsüogo.
July 7 anepdang 5:00 ako nungi nikongtsütsü 5:00 ako tashi parnoki Assam mokdangtsü ayongzüka lir anungji Jorhat aser Golaghat district tem adena garitem mesenzü tajungba ta Dimapur Police sangdong nungsa shia lir.