TANURTEM – TSÜNGREM NUNGI SEMPETTEM

Angang, chirnurji Kibuba nungi anguba senmang lir: Aser nu menden nungi tejangji Pa sempet. T. Ken 127:3
Tanurtemji Tsüngrem nungi sempet aser Pa maongka sayuba temaitsü lir ta Laishibai sayur. Tsüngremi Adam aser Eva maotsü aser ashi, “Soyapokyang aser jenti renang” (Lipok 1:28). Laishiba ajunga nung tanurtemji Tsüngrem nungi balaka moatsüba ta züngshir. Ken züluri parnok dang senmang aser sempet ta aja. Pai tanur kaji “temeranger ket nung lijakjang akaba” den atishia jembi. Pai tatem nung ashi, “Nisung shiba lijak pungdang sünga lir tepelatsü” (T.Ken 1:5).
Tanü aikati tanurtemji temoatsü ama masü khuret ama züngshir. Taküm tasen ka yangluba Tsüngrem miim teka asenoki anguba ama, tanur maginüba, sor endokba bulua adokba asenoki angur. Tanur maginüba agi tebok nung alidang tepsetta endokba temeten ka ama jembir.
Kechi atalok ? Tanurji Kibuba nungi aruba senmang ka ta asenoki amadoktsü asü? Tsüngremi asenok nem chirnurtem agütsü dang mamatoktsüba masü Tsüngrem chira tasüngtet Mary tebok nung kinü ka aküm ta asenoki mamatokli.
Kibuba Yisu, tanur shia dak Nai agütsüba sempet ka lir ta onoki angutsü yariang. Amen.