TAOCHI TSüNGREM

“Saka Tsüngrem taochi agi ni kechi lir aji lir; aser pai Kü nem agütsüba taochi amajok mangu”
– l Korint 15:10

Taochi ya Tsüngrem temeim tashi lir. Khristan taküm tetenzük nungi tatem tashi iba taochi nung metaloker taküm alir. Tamangertem temenen nungi nüji kümdaktsütsü asoshi Tsüngremi taochi agütsür (Rom 6:20:22). Tsüngremer taochiji kümdanga jangraa bushitsüla. Tsüngrem taochi angutsü lenmang kar: Laishiba bushiba aser iba nung tashi angaba lir. (Yn. 15: 1-11; 20:31; 2 Tim. 3: 15).
Nisungi temeten angutsü merangba nung tamakok angu nung, ajaki tekümtet sempet agizüktsü asoshi Tsüngremi Pa taochi sayu. Tsüngrem taochi sayutsü asoshi Khrista kangki nung asü. Aser, iba taochi tashi ya asenok asoshi tesüngmangtsü aser Pa tashi ya ka lir. Nisungi Tsüngrem taochi angur aser tamang ajanga aji agizüker mesüra sentoktsü akok. Taochi ya tamang agi agizüktsüba lir, kechiaser Tsüngremi Pa taochi asenok nem teti asoshi Khrista nung teperi agüja lir. Anungji asenoki taochi asoshi tasü ita taochi chuba menden dangi odi. (Ibri 4: 16).
Sarasadem : O Taochi Tsüngrem, Nü temeim ya onok asoshi ulura fir, atangji onok nü taochi kübok ali nung nü tenüng asanger. Amen