Taruba küm Russia election nung Putin-i tir asoshi tokteptsü

Nizhny Novgorod, December 06 (Agencies): Russia Tir Vladimir Putin-i tir menden nung anu term ka amentsü asoshi taruba election nung tokteptsü, ta ashi.
Nizhny Novgorod kübok Volga yimti nung aliba gari yangluba factory ka semdangba mapang pai iba osang ya sangdong.
“Ni Russian federation indang tir menden atema tokteptsü asoshi candidacy agütsütsü,” ya pai ashi.
Putin ya tir aser ato kelonser ka ama 2000 küm nungi tashi nung lia arur. Pai March election nung takok ngura 2024 tashi inyaktsü temsüa akümtsü.
Russian TV journalist Ksenia Sobchak-ia Russia tir aoshi tokteptsü, ta sangdong alir, saka opinion polls nung Putin-i mela mela akoktsü, ta ashir.
Russia indang opposition lenir tongtiba, Alexi Navalny ya nüburtem indang senotsü tim lenmang nung mamshiba ajanga election nung tokteptsü asoshi nokdanga lir.

You must be logged in to post a comment Login