Tarutsü mapangji tetsübutsüka asütsü:Taylor Swift

August 10, 2015: Taylor Swift-i tarutsü nung kechi ataloktsü’ar memetetba ajanga tsübua bilemer.

‘Bad Blood’ ken ajanga nüngtugu akümla, Swift-i social media nung kija tebilemtsü aliba lemsatepertem nem sayutsüngi agüja liasü aser iba mapang lai tarütsü mapang la taküm nung kechi ang ataloktsü’ar memetetba ajanga tsübua bilemba lemsatepa liasü, ajisüaka taküm nung jangratemtsüji ibaji lir, ta ashi.

Social media nung post asübatem bushia anidaker, ”protectingswift” ta tenüng amshir kati asüngdangba langzüba mapang, Swift-i, “Ni yamaji bilemba atema sasa-a bilemer kechiba süra tsübua aser arendaka alitsüji kanga tasak lir. Ajisüaka asangsang nung kodang bilemdangdir tarutsü atema memeteti alibajiang tajungba. Taküm nung jangratemtsüji ibaji lir. Nai tensa majungtsü amai bilemaka shibai metet tajungba ang akümtsü akok,” ta zülua liasü.

Calvin Harris den tang temedendak, arishi küm 25 tain, Swift-i kasa tezüluba nung asen sendoker aser medemer tamajungtem mangu amai toktsüba tajungba, ta zülusema lir.

Lai, “Ni shisa bulua aliba mapang nai ni teti anisüngzükdaktsür anungji na ya ni asoshi kanga nüngdakba nisung ka lir, ta kasa nisung dangi zülu.