Tashi tasen angutsü

“Saka shirnoki Kibuba dang ata-a alir parnok tashi tasen angutsü; parnok asemtsü, parnok aniseta malitsü; parnok jajatsü, aser melulatsü.” -Isaiah 40:31
Nüngtuku tsüngteper Muhammad Ali-i tsüngtepdang takok angutsü atema asaya yimya tasen balala amshiasa tsüngtep. Item yimyatem rong nung kaji pai tanemi ataa alidang pa den tsüngtepsang dangji ajongshia tashi agi mapang tatsüka pa dak tsüngshidaktsü. Idangji mit tulu adoka tashi ajak agi tsüngtepsang jagi Muhammad Ali dakji atsüng. Kobi melii paji tashi lulaa akümer, Iba amaji pa den tokteper tashi lular alidang Muhammad Ali-i yakta dang meyipa tsüngteper aser paisa takok nguyonga aru.
Aiben Khristan taküm nung tongpang rara balala ajurur. Tongtipangsa temenen mojingi asenji akoktsü meranger. Pei shi tangatetba, tashi aser tasa agi dang rarara tamakok angutsü. Saka ajak toktsür Kibuba dang ataa lir Pa tashi nung kodang tanela tongpangji raradir takok angutsü. Saka aseni inyaktsüba kaji Kibuba dang ataa alitsüla sura mapang shitak nung tashi tasen agüja asen takoker taküm akümtsü.
Sarasadem : Teti Ne dang ataa alitsü kü. nem tatasa shisatsü agüjang. Amen.