Tatidang nung Tsüngremi na yarir

‘Timtem anogo nung nai kü dang ja-ang, ni na kümzüktsü aser nai ni sentsüwangshitsütsü.’ T. Ken 50: 15.
Asen Tsüngremi yaritsü asoshi renema dang lir, Pai ashir – nenoki kü dang sarasademang. Kibubai sayuba sarasadem nung asenoki ashir, ‘ tatidangi onok tanima, joko tamajungba nungi onok sota liangma.’ Iba sarasadem ya Tsüngrem dang kümzüka ayutsü asoshi teyari meshiba sarasadem lir.
Aiben asenoki kümzüktsü asoshi Kibuba dang sarasademdang yamai ashir, “ni pa majiner, kinungertemi ni mejungi benshir, ni parnok anasa ali tashi ni tamanger ka ama meliteter…. ” yamaji sarasadem dang kar majung indang Tsüngrem dang ashir. Saka kümzüktsü asoshi sarasademba nung ojang tongtipang ka dang lir aser aji ‘yariang.’
Asen tia asoshi aria bilemba Tsüngremi, kechi ataloktsü ajak meteta dang lir. Yisuji asenok mokokmintem nung aria bilemtsüba dang masü, kechisarena nung Pa-a atidanga liasü saka pai temenen memena. Anungji nüngdak mapang nung yaritetetsüsa taochi angutsü aser asenoki taochi agizüktetsüsa asenoki tamang teimla agi taochi menden anasa odi.
Sarasadem : Kibuba, ni kümzüka alitsü asoshi ne dangi teyari meshia arudang ni aibelena temenen memenatsü asoshi kü tepang, temeli, temulungjang sota liangma. Amen.