Tatok agüjang kechiyong na tatok nguogo

Nisung kari kar anema tai agütsütsü lira, nenoki medemer o medemer na talangka aremzüka tai toktepang. Kibubai kechi koda nenok tai atok, yamaji nenokia benshiang. Kolosi 3:13
Tangari asenok yirutsüba lira, kecha mesükshii parnok dang tatok agütsütsu kuli asem Laishiba nung ashiba angur.
“Kibubai kechi koda nenok tai atok, yamaji nenokia benshiang.” (Kolosi 3: 13). Tatok agütsüba taküm ka asütsü asoshi tama Tsüngremi Khrista ajanga asenok dang angati atokba agizüktsüla. Aser yamaji asenokia angati tangar dang atoktsüla.
Tangar dang nai atoktsüla. Kechiyong na jashioka aliba jagi na anishir. Sayutsüngir 7:9 nung ashi, “Ain adoktsü teyilung: kechiaser ain adokbaji shisa makar tekubang nung lir.”
Jashioka ain adokbajagi pei takumji ana tesüiba agi anishir ta sayur. Kechi süiogo aji süiogo. Anungji tesüibaji amadokang. Nai atoktsüla kechiaser ana naa tatok anguba nungtaktsü. “Kechiaser nenoki pi tai tokra, nenok kotaker Tebuia nenok tai atoktsü, Saka nenoki pi tai metokra, nenok Tebuia nenok tai matoktsü. (Mathi 6: 14 15). Tatok agütsüba ya lenmang ana lir. Nai agütsütsü memulungra, nai magizuktettsü.
Sarasadem : Kibuba Yisu kü tai tokangma. Nia tangar dang tai tokdi. Amen.