Tayimtsü tuodak nung Pope-i kulizüng agütsü

ON BOARD THE PAPAL PLANE, Jan 19 (Agencies) : Chile lima adena tayimtsü nung tuodak mapang Pope Francis-i tayimtsü nung inyaker ana nem kiyimba kulizüng agütsüogo. Pope ya tawa anogo asembuba South America kintem sema jajadagi.
Arishi küm 41 tain Carlos Ciuffardi aser Paula Podest (küm 39) naprongji flight attendant inyaker aser tena chir ana lir ta angazüker.
Chile nunger apuani naji 2010 kümto lokti sentong dang ka agia kibong aküm saka Catholic yimsü nung aliba ama kulizüngbo magi liasü.
Linük yimtiba Santiago nungi anüdoklentip tsütsü Iquique yimti tsünga ghonda ana tayimtsü lenmang nung aoba mapang ali nungi feet 36,000 (11,000 meters) tur anüng tom nung tongmelang agi dang iba kulizüng agia liasü.
Teka agi dang züluba kiyimba kulizüng kaket nungji Latam kübok inyaker ana jagi sign asü; kasa kulikaket nungji “Francis” ta tongmelang agi dang Pope-ia sign süja lir.
Vatican osang ajanga ashiba agi, apuani na kibong akümba mapang tena kulizüng agitsü shimteta liasüba tekülem kiji menoknok agi raksatsür liasü; anungji tenadi par yimsü amshia kulizüng magitet.
Kasa osang ajanga ashiba agi, Iquique yimti nungji Pacific tzüyimkülen lokti sentong ka agitsü atema nisung meyirijang aika adenshir Pope ajurutsü atatepa liasü.
Mao sülenbo lenir shingaia pei office nung lia iba maongka mengutet; Deng tenüngjia 1997 küm pa asüba sülenang enoksem.
“Private property & human rights’ wazüka ayutsü atema temelenshi kar enoksemtsü asoshi tang tesüsaba nung 2004 küm state constitution yanglushi.