Taylor Swift indang ‘Wildest Dreams’ video sayatsü

Taylor Swift-03August 25, 2015: Pop kentener Taylor Swift-i MTV Video Music Awards matongdang la indang “Wildest Dreams” ken video sayatsü.

Arishi küm 25 “Bad Blood” ken atenla Swift-i twitter ajanga iba osang sangdongba den külemi iba ken preview video sayaogo, ta Entertainment Weekly osang ajanga metetdaktsü.

Swift-i Twitter ajanga, “Wildest Dreams music video preview. Full video ji VMA aonung sayatsü. Renema liang. #WildestDreamsMusicVideo” ta ashi.

La sayaba second 15 video clip nungji ‘zebra’ shiruru arem nung asemtepba, Swift aser tebur ka azütepba, posü ka ayimba aser la nükjang noksa densema lir.

Tang tashi nung Swift-i la kensep ‘1989’ nungi “Shake It Off”, “Blank Space”, “Style” aser “Bad Blood” video tem sayaogo.

2015 MTV Video Music Awards sentong Miley Cyrus-i ketdang asütsü.

You must be logged in to post a comment Login