TDFA pur Silver Jubilee mungogo

Dimapur, November 14 (TYO): Tuensang District Football Association pur Silver Jubilee mungogo, aser iba nüngtem nung Parade Ground, Tuensang nung November 13 nü TDFA Cup tenzükogo. Iba sentong nung Tuensang, EAC, Tsiatsüsie tongti tesemdanger ka ama arua shilem agi.
Silver Jubilee mung tashi tongtetba atema aser lanurtem aika anitetba asoshi TDFA tenüng asangba den külemi Tsiatsüsie-i, iba asayamung ajanga lanurtem temaba jenjangi tua, district kicha nung masü saka iba alema oa asayatettsü asoshi imlaba lemsatep. Saisapong balala ya hobby mesera jangraatemtsüba atema dang masü, saka iba ya kanga dang tajangzük akaba aser akümket profession ka kümogo, ta pai ashiba den asayartem dang asaya yimya tajungtiba benshia asayatsü asoshi ajungshi.
Iba sentong nung TDFA Advisor, W. Chingmak-i TDFA indang otsü tatsü agi rasaa ashi. TDFA, Planning Committee Convenor, Hongkin Chang-i lokti pelaa agizükba o tatsüka jembi. 1buba TDFA Cup, 2017 nung telok ajak agi 26-i shilem agitsü.