Teintet Rogo

– T. Yanger. Ozüküm, Mongsenyimti Village. (2017).

1. Tsüngremi meimchir kaji nükjidong tulu nung yanglu
Tsüngküm mongpu melentepba den sako
Oda meimchir takümtema Pa sentong nung dang lidaktsür
Saka ya ajakji arishirtemi dang tejangja ngutet
Tanüa Obou, Otsü nungertem anogo temoatsüba sang
Kinüwa tetsü mama yonga tanur nungi
Tainlong, Tebenjem, Atura aser tashika mapang tashi.

2. Temeim Oboula, Otsüla nungertem ya bilemdangangma
Aika rongnungi arishirtemji nenok masüno?
Kopu apur kolakji sentsüwangshi korang ta
Laishiba nung tejangja mezülukama?
Saka na ……a! Ner panger jenti Dipuleni ilongogo
Aika takümbo lir saka yia lular tiai yiogo
Ano aikasa ajebasük tia nung nemjemseta lirji.

3. Onok den nenok tensemdang lemla – lemla – a bilemer
Atangji “ARANGSHI LONGZÜK” ta ajatsü talanga
Temokok agi naro anoa ajok amer jajaba jagi
Kima yimdong azürepa longsodaktsür
Ner sayu O tajung jagi kin rangpen tejakleni odagi
Tetsüng tepen, tenük telen nung tashi ajemaka
Merosepba kotaker tanüla ner dak kaodakjangma.

4. Iba lima nung tali mashirtembo ayatai
Asa taoi nüngsenpangsen nungi mepilatet
Achiajem mazüoktet, libaliro meshitak
Kotak lenmang paitoker molumi leni ilongdagi
Anepdang anüdok nungi anülu tashi nung
Ken danga Tsüngrem dang kü takum na asoshi
Ta meshidangba teintet rongnung na melikama?

5. Temeim amangba purtem! Ya tenok – tenoka angang
Asenoka tebenjem taküm ya tetibosa malitsü
Teintet rogo rongnungji na – a züngsemtsü menua maliako
Arungma, longjemer Akok tashi parnok tushidi
Arishi anogo talang moajang ta ayimtendi
Par mapa tajung tsüngsü neptaka arishidi
Asen akümdong alangzüktsü tanü parnok tushia mongdi.

TSÜNGREMI ASEN LIMA NUNG OBOULA OTSÜLA NUNGERTEM ARISHI ANOGO MOAJA TETEMJEN TAKÜM KAKA KÜMDAKJA LEN ANIANGMA.
AMEN.