Teka-temopu-aser-tebang tashidak

Teka-tetsüng-aser-tebang tashidak kinü aser tila tanurtem dak atongba tashidak ka lir. Kinütem dang iba tashidak ya adoktsü anasa temang metatsü, tipmatemtsü aser chiyungtsü jangratema machitsü. Iba sülen anogo 2-3 tsüngda, tebang telong nung komo adoktsü aser tebang nung adokba sülen teka aser tetsüng nung komo adoktsü. Iba tashidak ya ajungbena dang adoker aser anepalu masüyonga, anogo 7-10 tashi nung jungadoker.
Teka-tetsüng-aser-tebang tashidak ya enterovirus telok ta ajaba mesentem ajanga adokdaktsür aser mesen tongtibaji coxsackievirus A16 lir. Iba mesen ya mela-mela menateper aser teni mesüra tebang nungi aliba tzü mesüra scü ajanga menateper. Iba tashidak ya tatsüktalem mapang aser asükwa atongtsü mapangtem nung kanga bulua adoker.
Teka-tetsüng-aser-tebang tashidak ya mapang tatsüka atema dang lir, anungji iba atema anepalutsü balaka mali. Iba tashidak atonger indang scü nung mesenji ita ki alitsü akok anungji memenatepdaktsütsü merangang. Nür tanur indang teka aser tetsüng mapang shia tzü agi shidokjang, talisa metsümeshiba sülen ibaji inyakang. Tanur temang kanga metaa shirangra mesüra tashitsü atura Acetaminophen (Tylenol®) mesüra ibuprofen aliba mozü chidaktsütsü akok. (Arishi küm 12 teküpok tanur nem aspirin techidaktsü)
Teka-tetsüng-aser-tebang tashidak agi shiranger tanur nem tzü peria jemdakjang. Süngjang tzü jemdaktsüba dang nungibo mamatsü enoka yangluba tzütem agütsü tajungba.
Tanur shirangba manenra mesüra tamajungba kümra doctor dangi anir oa anepaludakjang..
Source – Internet