Tekümzüker Sannüker (Tita 2)

“Saka atangji sayuba den apet O nai jembiang.” Tita 2:1
Ano teyari asoshi tangatetba tanelaji külem temeshi pur telungjem aser Tsüngrem tenzükertem arur. Khristan shinga peisasa agi teperiba makümer. Telok ka kisüng agi tabensa mekümtetter. Asenok kati ka nüngdaker. Kodang asenok shirangdir temang ajunga agi iba mesen anema rarar. Kasaji tiyazü tesayuba mopung aser yipru anema raratsü asoshi liyim arogo (Khrista Temang) aser Pa lima rangpen Temang nüngdaker. Asenok joko tiyazü tesayuba mopung agi septsü tentsü len monshidaktsütsü asoshi arogo nung tenzüker balala nem shia aruba Khristai sempet balala agütsü (Ef. 4:11-16).
Yihuda nunger masüba Khristantem mejeptoktsü jembitsü Yirusalem mungdang jatepba nungi asenoki lesson ka angazüker. Kecha tependang meli-i Tanela Temeshi meküploktsüba tenyar Peteri kuli asü (T.M. 15:6-9). Iba indang Yakobi kechi “zülua” lir ta meyipa ashi (t.13-17). Aser ibai obang ka küma hai-aura katepa renem (t.22-28). Iba nungi tamangertem asoshi “tepela”, “tajungshiba” aser “tashi” angu (t.30-32).Tamburtem aser tanishirtem dang asüngdangbaji Arogo otsü bushiba lir.
Kümdanga bushiba ajanga Arogo nung tesüiba pututem nung mapa tasen adoka sayua arubaji walok-watem tekülemba liasü ta bushiteta arur asüngtetdaktsü. Asentenshi mapang nung Tsüngrem mapa den küpteptsü asoshi Satan aser pa tenyartem mazüngi mapa inyaker. Ibai tesüiba Tsüngrem mongin. Jonathan Edwards ama taküm kuli lir (1703-1758). Pa iba putu nung America nung philosopher aser theologian tulutiba liasü.
Tanü tesayuba nung tashishitsü aketba tasüngdangbatem noktangtsü asoshi tangara lir, “Süngjangji reprangang.” Saka taküm yimya melenshibaji dang “süngjangji” masü. Osangtajungji kanga tashi tait lir, nai ibaji tanga den meyoktepaka iba nung tajung kar adoktsü! Yisu dang nütsüngtemi parnok chiyongtsü bushitsü yokadokang ta ashidang, pai parnok dang chiyongtsü agüjang ta ashi, “Ni lokti asoshi aria bilemer” (Mt. 14″!5, 16; 15:32). Sannüker kaji santem asoshi aria bilema chiyongshidak; tesayuba shidak agütsür lir.
Satania kotak tenyar ama kümer sayutsü akok, saka mapaji tatem anogo nung metettsü (2 Kor 11:13-15).
Temeim Oba Tsüngrem, temeshiba aser memeshiba bendangtettsü tanela shisatsü kü nem kua. Yisu tenüng nung sarasademer, Amen.