Telangana sorkari süngdong crore 230 atemtsü: CM

Adilabad, July 06 (Agencies): Tanü Telangana Chief Minister K Chandrashekar Rao-i, Telangana nung arem samabaji Andhra Pradesh nung tamalen aliba sorkartem tai ajanga lir, ta ashiba den külemi state nung arem tesem tuluka akümtsü asoshi taruba küm asem tsüngda sorkari süngdong crore 230 atemtsü, ta sangdongogo.
Tanü nikongdang pai Gudem yimtsüng nung aliba Godavari ayong nung sen crore 125 indang Gudem lift irrigation scheme tenzükja liasü.
Tang state nung arem shilem 24 aliba nungi arem shilem 33 akümtsü nükjidong nung taruba küm asem tsüngda süngdong crore 230 jungnüa atemtsü, ta chief minister-i ashi.
Telangana nung aliba yimtsüng shia nung tajemba agi süngdong 40,000 shi atemtsü, ta paisa ashi.
Telangana nung arem sama-a aobaji taoba sorkartemi temelung magütsüba ajanga lir, ta pai taoba sorkartem aija ashi.