Temang touzük ajema akümtsü tasa kar

Nisung aikati temang touzük ajema kümner, ajisüaka azümesenba yong temang touzük majemer saka timba dang akümer. Temang touzük ajemtsü atema aseni azü memeseni inyaktsü teinyaktsü aika lir, aser item rongnung kar yamai alitsü:
Tzü Ajemtsüla: Anepdang saakli tzü marok ka mesüra ana jemang. Anepdang yakta tzü ajemba ajanga temang nung ‘toxins’ (miim) indoker. Tzü ajemba ajanga ayaba azüokteter, iba yongji calorie aketba chiyungtsü achitsü aliba nokdanger.
Chi chiyungtsü lia jajatsüla: Chi chiyungtsü lia minute 15 shi jajatsüla, ibaji ajanga calorie kar rongdoktsü aser digestion nung yaritsü.
Fibre aketba chiyungtsü achitsüla: High-fiber chiyungtsütem achiba ajanga na temang anema alitsü aser temang touzük ajemtsü. Item chiuyungtsü achidang chiyungtsüji mapang agia mejaktsüla.
Metzü ajema achitsüla: Sodium tali aketba chiyungtsütem machitsüla. Metsü nung sodium lir, anungji metsü tali achiba ajanga na temang wakdaktsütsü mesüra nü tereprangtsüji temang awak ama asütsü.
Asemtsüla: Asemtenba ajanga calorie aika rongdoktsü aser anibelema kanga ajema akümtsü.
(Source: Internet)