Tenem den jembiang

” ….. nenoki iba tenem dang ashitsü, yang nungi ajaki oang, aser aji aotsü; aser nenok asoshi kecha tamakoktsü malitsü. “(Mat. 17:20)
Yisui iba Lai nung pa nütsüngtem nem tashi ain koba agi tenema ainshia odaktsütsü akokba tashi indang jembiba angur. Yisüi ashibaji asenoki tamang agi jembira ibaji ainshia aotsü ta ashir, Au, tenemtsüng nungji noktaker tenemji ainshia aotsü ayimokjang ta ashir masü, saka Yisü Khristai jembiba 0 nungji temaitsü den atishir.
Tenem ta kodang südir ibai asenok taküm nung tenokdangtsü den atishir- Kibong nung tebilemtsü, tenokdangtsü asutsü akok; sentsühji na asoshi tenokdangtsü asütsua akok; temang nung mokokmin karji na asoshi tenemji asütsü akok; mesüra na yimya sübaba maparen kar koba nai sempar saka nai mokokteter.
Yisüi ashir, nai jembiang, shiang, ozüng agüjang, nai arüjang. Adianutsür ka den la khuret tulu aliba lemsatepba sarasadem dang ni la dang ashi, nai nu jakdang kechi angur? Lai langzü, “tamakoktsü dang angur.” Süra nai iba tamakoktsü den jembiang, aser ainshia aotsü ozüng agüjang.
Lai kodang ola tashi adoka jembi tenzük la jakdang nungi tenem tuluji ainshia ao. Kibubai asenok nem 0 tashi aguja lir.
Nai tenem den jembiang, ainshia aotsü.
Sarasadem : Kibuba Yisu, Nai Nü taochi lenmang sayu nung kanga pelar. Tamakoker takum ka ta bilema liasü, saka tanü ni tenem ajungdoktsü lenmang angazükogo. Amen