Tenem nungi sayutsüngiba

“Telokti ngua Yisui tenem jagi atu, aser pai parnok dang yamai sayua ashi …. “(Mat. 5:1)
Ibai Yisu Khrista iba lima nung aliba mapang pai talangtiba sayutsüngibaji iba tenem nungi sayutsüngiba ya lir. Yangi Yisui onük ka nung ajemdaker talang ka jembiba ka masü, saka onuk balala nung ajemdaker tesayuba agütsüba liasü.
Kechiba Yisui tenem nungi sayutsüngiba ya kanga tongtipang aküm? Kechiaser küm 400 shi nüburtem Tsüngrem ola, tesayuba, shin otem, aser mangdang maliba mapang ka liasü (The silent years). Iba mapang nung pamoki angashibaji Tsüngrem ola masü, saka Farisitem, Sadukitem, tesayurtem, tezülurtem, aser putirtem ola dang angashi. Pamok asoshi Tsüngremer tekümtet O masü, saka ozung dang azüng. Ozüng jagi ya inyaktsüla, ya minyaktsüla, ajak talenba dang liasü. Saka Yisu Khristai terok ben tashi “ya nenoki angashiogo, saka nenok dang ashir” ta yimya balaka nung item tesayubatem agütsü. Anungji iba O angutsü nübur jenti senjen asen.
Tanü arogotem asoshi tanaben tenem nungi sayutsüngiba ka nüngdaker asü? Tesayuba nung jenjang melenshia agütsütsu tongtipang kümogo. Yisui tensa den apet tesayuba agütsu, iba jenjang tanü alimai nüngdaker, Tenem nungi sayutsüngidi.
Sarasadem: Kibuba Yisu nai sayutsüngiba agi nübur jenti süngmangdakja temulung meyipdaktsü. Tanü iba putu nung onok nema tenem nungi sayutsüngiba ka moajang. Amen.

You must be logged in to post a comment Login