Tenükmeremji shi taküm mapa

Kechiyong nenok ana shi jenjang nungsa lir. Kechiyong nenok rongnung tenükmerem aser rarabangsen ali nung nenok shi jenjang nung alir masü no? Aser Yimya nisung amato nenoki jajar masü no? 1 Korint 3:3.
Nisung ka taküm nung tatsütepba ana lir. Ka shi taküm aser kaji tanela taküm. Mapang ajak nung anaji atsüteper.
Tsüngremi asen dak nungi akhangbaji alima yimya aser shi jenjangji indoktsü aser tanela jenjang nung alitsü ajar. Shi jenjang nung aliba taküm ka dak tenükmerem teti alir aser ibaji pa sübotsü kümdaktsür.
Tenükmerem jagi tangar dak tajung aliba machinui
kümdaktsür, tangar tepela nung mepelateper, takok angudang tenüngsang magütsür aser taküm rangbenji mokokachi agi sünga alir. Iba tenükmerem ali tashi pei dak tepela malir.
Tenükmeremji nisung ka asoshi tsükchir tulu ka lir. Iba nem ya mekokdaktsüli. Alima shi taküm nungi pilar Tsüngrem chir ka ama temeshiba nung lidi.
Sarasadem : O Tsüngrem, kü dak tenükmerem agienjang, Amen.

You must be logged in to post a comment Login