Tepo mesüngdaktsütsü inyakyim 5

2015 küm America nunger kisüngi tepo mesüngdaktsüba dak sendakba nung sen dollar billion 11 dak tali intok. Iba den külemi sen billion dollar 1.4 kidang tepo mesüngdaktsütsü atema lijaliyong asüdang intok.
Tepo mesünga kümdaktsütsü asoshi oset tapu aika lir. Ajisüaka oset aika nung chemical dena aliba agi nüburtemi kanga ashishir.
Anungji tepo nung takoksa malui mesünga kümdaktsünüra, teküpoklen agüja aliba yimya pungu ya benshi nung tajangzük angutsü.
1. Totzü agi tebang mejutokba (Oil Pulling) : Tebang nung totzü puja adoka mejuba ajanga tebang nung aliba mesen koba ajanga tepo rüdaktsür aser tepo wakong sentsü kümdaktsür itemji samadaktsür. Nisung aikati sunflower mesüra sesame totzü amshir saka totzü mashi ka amshitettsü.
2. Baking Soda agi tepo meyuang : Baking soda nung mesünga kümdaktsüba mozü densema lir, anungji iba ya amshia tepo meyuba ajanga tepo mesünga ngudaktsür. Baking soda ya toothpaste yangluba nunga amshir.
3. Hydrogen Peroxide amshiba: Hydrogen peroxide dak pa sasa ‘bleaching agent’ keta lir aser iba jagi tebang nung aliba mesentem tepsettsür.
4. Apple Cider Vinegar amshiang: Apple cider vinegar ya küm noklang aika mesen tepsettsü aser shitokshira atema amshia arur. Anungji iba ya amshiba ajanga tepo mesünga kümdaktsür.
5. Süngjanglijang aser süngolemba achiba : Süngjanglijang aser süngolemba peria achiba ajanga temang rangben aser tepo asoshi teyari agütsür. Süngjang mesüra süngolemba tamo achiba ajanga tepo nung maloka aliba mesen samadaktsüba nung yarir.
(Source – Internet)