Tepok akangdang yaritsü temetettsü 10

Teküpoklen shia aliba ama benshira tepok akangba nung kanga yaritsü aser taneptsüa angutsü.
1. Triphala powder mesüra Triphala Churna: Iba ya süngjang asem meyokteper yangluba lir, Amla mesüra Indian gooseberry, Haritaki (Chebulic Myrobalan) aser Vibhitaki (Bellirica Myrobalan). Iba powder ya spoon ka tzü talem mesüra ninang mojitsü den meyokteper ajemba ajanga tar-tepen nung chiyungtsü junga menüngsatsür aser tepoki junga odaktsür.
2. Raisins: Iba ya tsükmenatsü akongba lir. Iba ya tekapu ka aonung sangwa tzü nung metena yur anepdang kecha machi tsüngda achiba ajanga tepok junga odaktsütsü. Iba yagi mashisa alirtem nema teyari kanga agütsür.
3. Guavas (Modiram) : Iba süngjang tetsü nung yimsaa aoba tera mesükba keta lir aser tejang nung yimsaa maoba tera mesükba keta lir. Modiram yagi scükipong nung nep mesükba tzü adokdaktsür aser tashi itdaktsür aser ibaji ajanga scü timtem meli odaktsür.
4. Lemon: Tasen tzü yagi tar shidokba nung yarir aser iba tzü nung metsü aliba ajanga scü mela-mela odangtsür. Tasen tzü spoon ka tzü talem marok ka nung metsü tera inoka aier tepok tazüng nung ajemba ajanga tepok akangba jungdaktsür.
5. Figs: Mongu zünu. Iba süngjang tajem mesüra takang ajak nung tera mesükba keta lir aser ibaji achiba ajanga scü junga odangtsüba nung yarir. Iba süngjang ya ishika mamatsü marok ka nung molur aonung yipteni mai tsüngda ajemba ajanga tepoki akangba nungi anisüngzük angutsü. Iba molubaji talem asüdangsa ajemtsüla.
6. Flax seeds: Iba tejang nung tera mesükba keta lir aser ibaji ajanga tepoki akangdang achitsüba ajanga tepok akangba anendaktsür. Iba tejang ya anepdang shia tzü talem den tekapu ka ka achiba ajanga tepok akangba anendaktsütsü.
7. Castor oil: Iba totzü ya tepok akangertemi küm 100 shi amshia arur aser iba yagi tar nung aliba mesen tepseter. Iba totzü ya pa kija spoon kaka mejemnera mamatsü talem marok ka nung spoon ka ka inoker ajemba ajanga tepoki akangba anendaktsür. Iba ya aonung yipteni maidang ajem tajungba.
8. Spinach (Palak) : Iba süngotu yagi tar lenmang yanglushiba aser tasem kümshidaktsüba nung yarir. Spinach tzü 100ml den tzü 100ml meyokteper anogo nunganaben ajemba ajanga tepoki kanga sashia akangba dena anendaktsür.
9. Oranges: Naring dak Vitamin C aliba dang masü saka tera mesükba jenti lir. Anepdang aser aonung shia naring ka ka achiba ajanga tepoki akangba anendaktsür.
10. Seed mixtures : Tejang temeyoktep nung ya tera mesükba peria lir aser ibaji ajanga tepoki akangba anendaktsür. Anü naro jang ka ana, flax jang kar, til mesüra sesame tajang ishika aser almond kar menüngsar achiba ajanga tepoki akangaba anendaktsür. Iba menüngsaba ya hopta ka piyong anogo shia chiang. Nai iba powder ya salad nunga inoker chitettsü. Iba powder yagi ano tar nunga teyari agütsü.
(Source – Internet)

You must be logged in to post a comment Login