Tetsürtem nema yi alidaktsütsü melar

Colombo,Jan 12 (Agencies) : Küm 38 nokdanga arur tang Sri Lanka nung tetsürtem nema yi alidaktsütsü aser yi yangludak mesüra yi ayokdak tetsürtem nema mapa agütsütsü atema temelaba agütsüogo.
Finance ministry ajanga ashiba agi, tetsür-tebur tsüngda mebendangsatsü aser bendanglen nungi aruba nüburtem temaba jenjang nung amshitsü nükjidong yur Minister Mangala Samaraweera-i ozüng tasenba nungji meyongnem agütsüogo.
Sri Lanka lima yangertetba mapang 1979 küm tetsürtem nem yi malidaktsütsü mesüra yi dak sendakba mapa kecha nunga parnok meinyakdaktsütsü atema ozüng lateter iba talenba kübok liasü.
Iba tenokdangba liakasa yi dak sendakba maparen nungji tetsürtemia odang shilem agia liasü ta angazüker.
Iba denji külemi ano aonung 10:00 ako tashi ghonda ka agi temenuba yi dokantem shibangtsü atema sorkarisa temelaba agütsüogo.

You must be logged in to post a comment Login