‘The Lion King’ yanglushiba nung Beyonce-i shilem agitsü

November 03, 2017 (Agencies): Donald Glover, Chiwetel Ejiofor aser Seth Rogen nunger den külemi Disney indang ‘The Lion King’ film yanglushiba nung Beyonce-i shilem agitsü, ta osang ka sangdongogo.
Iba film nung Beyonce-i Nala ama shilem agitsü aser iba ya küm trok tsüngda la film nung mezüngbuba shilem agir asütsü. Lai iba film nung shilem agitsü indang olulu ya March ita nungi jembia aru aser la indang Facebook nung lai jangja metetdaktsüogo, aser la sapurtemi iba film sayatsü matateter aser talisa nisung aikati meima aliba ‘The Lion King’ film nung shilem agitsü osang sangdongba ya sempet tajungtiba amai bilemer.
‘Formation’ ken atenlai tesüsa movie nung shilem agiba ya 2013 küm ‘Epic’ movie nung Queen Tara indang ola ama lai jembia lir, aser lai tesüsa ‘live action’ shilem agiba ya 2009 küm yangluba ‘Obsessed’ movie nung Idris Elba den külemi tongti shilem agiba lir. Beyonce-i ‘Cadillac Records’, ‘Dreamgirls’, ‘The Pink Panther’ aser ‘The Fighting Temptations’ amala movie tem nunga shilem agia lir.
Iba movie yanglushiba ya ‘The Jungle Book’ movie director Jon Favreau-i direct asütsü aser ‘Pirates of the Caribbean: Dead Men Tell No Tales’ indang screenplay asür Jeff Nathanson-i screenplay asütsü. Movie tasenba nung Simba ola ya Donald Glover-i jembitsü, Chiwetel Ejiofor ya ‘evil uncle Scar’, John Oliver ya Zazu, Seth Rogen ya Pumbaa aser Billy Eichner ya Timon ama shilem agitsü.
James Earl Jones ya Simba tebu Mufasa ama shilem agitsü aser iba ya pai 1994 küm Matthew Broderick, Rowan Atkinson aser Jeremy Irons nunger den külemi shilem agiba sülen tang tasenba movie nunga shilem agitsü.
‘The Lion King’ ya Disney ajanga ‘The Jungle Book’, ‘Cinderella’ aser ‘Beauty and the Beast’ yanglushiba ama yanglushitsü lir. ‘Aladdin’ ya taruba küm asoshi tang tangokba mapang lir, aser iba film ya Guy Ritchie-i direct asür. Iba film nung Will Smith, Naomi Scott aser Mena Massoud nungeri tongti shilem agir.
‘The Lion King’ ya July 19, 2019 nung sayatsü sentong lir.