The Terminator film trok buba nung Linda Hamilton-i shilem agitsü

September 22, 2017 (Agencies): 1991 küm ‘Judgement Day’ nung shilem agila, Linda Hamilton ya James Cameron den tanaben lungjemtsü.
Lai Terminator film franchise nung shilem agir küm 26 sülen kasa film indang franchise trok buba nung shilem agitsü renemogo.
Linda tanaben Terminator franchise nung shilem agitsüba osang ya director James Cameron-i sangoktsü, ta osang ka ajanga ashi.
Action movie nung tetsür tebur shilem agiba nung temelenshi arudaktsütsü nükjidong nung iba franchise indang chichiba actor ana, Arnold Schwarzenegger aser Hamilton na külemi shilem agitsü, ta 1984 küm chichiba movie aser 1991 küm iba sequel Judgement Day direct asüsang Cameron-i ashi.
“Arishi küm 50 tain, 60 tain nisungtemi nisung tamajung tepsetba lir, saka tetsürtemi shilem agiba atishitsü mali,” ta director-i ashi.
Tang arishi küm 60 tain Hamilton ya 1997 küm Cameron den kibong aküm saka 1999 küm balatsüsa aküm.
2015 küm Terminator: Genisys yangluba sülen dang ya follow-up ka lir aser iba ya Terminator indang film trokbuba asütsü. Iba film yangluba nung Deadpool director Tim Miller, Dark Knight series zülur David Goyer nungera densema lir.