Tir Pranab-i ISRO nem 2014 Gandhi Peace Prize agütsütsü

New Delhi, September 08 (Agencies): Bodhbar nü New Delhi, Rashtrapati Bhavan nung Tir Pranab Mukherjee-i Indian Space Research Organisation (ISRO) nem 2014 küm asoshi Gandhi Peace Prize agütsütsü.
Küm shia agütsüba Gandhi Peace Prize ya 1995 küm Mahatma Gandhi asoba anogomung 125 buba nungi tenzüka non-violence aser Gandhi tesayubatem ajanga linük nung loktiliba, rongsenkettsüng aser yimtenren nung temelenshi tulu bener arutsür nija ka mesüra reju nem agütsür.
2013 küm asoshi Gandhi Peace Prize ya Chandi Prasad Bhatt nem agüja liasü. 1964 küm Gandhian environmentalist aser lokti asoshi inyaker, Chandi-i Gopeshwar nung Dasholi Gram Swarajya Sangh (DGSS) tenzüka liasü, tesülen iba tentet ya Chipko movement atema tongtibangba tentet ka aküm.