Tripura nung journalist tepsetba aitsür: KPC

Kohima, September 22 (TYO): Bodhbarnü Agartala anasa television journalist, Santanu Bhowmik tepsetba osang angashia aoksar, ta tanü Kohima Press Club (KPC) Tir, Xavier Rutsa aser tongti tezülur, Alice Yhoshü nati sangdong ka ajanga metetdaktsü.
Iba mapa ya osangbenertem tebang nembangtsütsü aser linük nung osangbenertem security anema inyakba lir, item ama mapa ya KPC-i sashia aitsür, ta sangdong nung shia lir.
Kohima Press Club-i Tripura sorkar dang kanga junga bushisüngdangtsü aser ochi temeden agütsütsü akhanger, ta KPC-isa metetdaktsü.
KPC-i Agartala press züngsemtem den mangyim lemsateper aser asür kibong dena mangyim osang lemsateper, ta kasa sangdong ajanga metetdaktsü.