Tripura nung National Press Day among

Agartala, November 17 (Agencies): Tripura Information & Finance Minister, Bhanulal Saha-i osangbenertem indang rongsenkettsüng jenjang tamajungba kümdar, aser ibaji kümshia tamajungba akümer, ta metetdaktsü.
Kailashahar Press Club, northern Tripura nung National Press Day sentong nung jembidang minister-i, “Osangbenertem rongsenkettsüng jenjang tamajungba akümer aser tayongzükbatem timba akümer,” ta ashi.
Brihostibarnü Tripura nung National Press Day monga liasü. 1966 küm nungi tenzüka Press Council of India (PCI)-i iba anogmong ya kümshia ayongzüka amonger, aser taküm küm atema omenji “challenges before the media” liasü.
Agartala Press Club aser Information Department nati longjemer state yimtiba, Agartala nung Nation Press Day sentong ayongzüka liasü, aser Tripura assembly deputy speaker, Pabitra Kar-i iba sentong lapokja liasü.
Kailashahar, northern Tripura nunga Information & Finance Minister, Bhanulal Saha-ia National Press Day sentong lapokja liasü.
Sentong nung jembidang Saha-i, osangbenertemiu tensa aser sentongtem indang osang shidak sangdongtsüla, ta ashi.

You must be logged in to post a comment Login