Truck anir dang sen meshir ka Dimapur police-i apu

Dimapur, Aenjeti 19 (TYO): Dimapur Police-i Aenjeti 18, 2018 nü PO/PS Suruhuto, Zunheboto kübok Sapotimi yim nungi Lukiqhe’er jabaso arishi küm 36 tain, Atovi Aye apu; pa ya tang Burma Camp, Dimapur nung telidak lir. Pa ya Khushabill Village nungi lisem/longru abenba truck anirtem dang ozüng alema saru meshiba ajanga apu aser pa ket nungi sen 4060 ngutet, ta tanü Addl. Dy. Commissioner of Police/PRO, Dimapur, Nagaland ajanga sangdong ka nung metetdaktsü.
Asüngdangyaba mapang nung pai, NSCN (IM), NSCN aser FGN atema pai gari shia sen 200 saru, ta nangzük. Paisa, Luchii (December) 2017 nungi tenzüka pai mulungsoa telungpur telok balala atema saru saruja aru, aser iba atema pa nem telok balalai anogoshia sen 700-900 agüja arur, ta kasa sangdong nung shia lir.

You must be logged in to post a comment Login