Tsüngrem den külemi mission mapa nung

Tanelai Filip dang ashi, “Anasai oang aser iba talungtsü jagi na-a tuang” T. Mapa 8:29
Tsüngremi Filip sayutsüngi aser Pa mapa inyaktsü asoshi aja. Jatetba ama pai nentaka sayutsüngitsü tenzük. Samaria nung ain tashi tulu nung Filipi sayutsüngi. Tsüngremi kanga amshi nung yimti ajunga nung nüburtem sayatenya mapa ngur pelatep. Sayutsüngir tulu aser sayatenya mapa inyaker ka akümtsübaji masü pai Tsüngremi mulungbaji dang inyaktsü jangra. Kodang Samaria nungi Ethiopiai aotsü ashi pai takok ngua inyaka aliba mapa toktsür aotsü menungnang.
Tsüngremi jembi nung Tsüngrem den külerni mission mapa inyaktsü ao.
Tsüngremi tanüa Pa den külemi mission mapa inyaktsü nübu bushir. Meimlaba mapang ka nung na ajatsü akok mesüra na tang takok ngua inyaka aliba toktsür Tsüngrerni tuyuba lenmang aser mapa kati ajatsü akok. Nai koda langzütsü? Missionji Tsimgremi mulungba tashi anga Pa den külemi inyaktsüba. Nai asatetba mesura jangraba kija inyaktsü atema masü saka Tsüngrem den külemi Pai mulungba tashi angaa inyakdi.
Sarasadem : Ne dang tashi angaa ni inyakdi. Amen.