Tsüngrem nü den lir

“Tzü ajanga kodang na süia odir; ni nü den alitsü, aser ayongtem ajanga parnoki na memobangtsü, kodang na mi ajanga jajadir na marungtsü, mesüra milak nü madak mejangrutsü.” – Isaia 43:2
Nai mapang karbo kanga timtema Tsüngrem ya kong lir taa asütsüsa ka, tensa karbo ajangshia aru asü? Tsüngrem o dangi meyiper reprangdangra, asenoki Pa O nung yamaji ashiba angur, iba ama timtem mapang nungji Tsungrem nü den liasü.
Tang iba mapang nunga Pa nü den lir, ana Pa nü den alitsü. Pa o jagi ashir, “Tzu ajanga kodang na süia odir, ni nü den alitsü, aser ayongtem ajanga parnoki na memobangtsu, kodang na mi ajanga jajadir na marungtsü, mesura milak nü madak mejangrutsü, Kechiyong ni Kibuba nü Tsüngrem, Israel Temeshisang, nü kümzüktsüba lir.” (Isaia 43 :2-3).
Dawidia yamai ashi, “Au, ni tasü akhüm ayongküm ajanga jajaaka, ni kecha lendong metsübutsu, kechiaser na kü den lir.” (T.Ken 23:4). Tsüngrem asenok den lir. Anungji kecha tetsübutsü maka.
Sarasadem : Ajak Takoksang Tsüngrem! Na alema shinga mali, Nü tashi ain tulutiba. Nai ni yanglu, Na kü den lir Nü Tenüng asanger. Na kü den aliba kodanga mamadoktsü, kü den teti jembiangma ta Yisu Tenüng nung asüngdanger. Amen