Tsüngrem taochi-i taitsüba nembangtsür

‘Anungji tang Khrista Yisu dak alirtem asoshi taitsüba mali.’  – Rom 8: 1
Meimchir ka taküm nung taitsüba agi sünga lir, kar pei sasa tai inyakba ajanga aser karbo tangari inyakba ajanga bendenloktsüba lir. Nisung shinga tabensaba mali asünung tesüiba aibelen mapa ajanga taitsüba tatidang arur. Temeneni taitsüba bener arutsür. Koba tetetzü asen taküm nung taitsüba nungi jenbua alitsü asoshi Tsüngrem taochi nüngdaker, Asen taküm nung taitsüba bener jajatsü Tsüngremi memulunger aser ibayongji Tsüngremi Pa chir Yisu asen menen yong Kangki nung asütsü asoshi alimai yok.
Efesa. 1 :7-8 nung ashir’ Aser Khrista taochi rongsen koba Pai asenok madak talubosa meküplokja aliba amato, Pa dak asenok Pa zü ajanga talangzükba aser asen tai temenen tatokbaji kar.’
Tamangertem asoshi ochi tamentakdak kaji Tsüngrem taochi agi Pa chir Yisu Khrista ajanga asen menen ajak asoshi sentsü aotsüogo. Anungji asenok teinyaktsü ajak agi Pa agizüktsüba aser taitsüba nungi jenbua alitsü asoshi Pa sülen anidaker kaka akümtsüla.
Sarasadem : Kü taitsüba nungi anitettsü asoshi Ne taochi jungkai adokdaktsüba asoshi pelar. Amen