Tsüngrem yimli temeshi

“Mapang tongogo, aser Tsüngrem yimli anasa lir; nenok temulung meyipang, aser osangtajung nung amangang” Mark 1:15
Tsüngrem yimli ji temeshi aser ochi lir. Tsüngrem yimli ya ajak asoshi teti tatem maka aser tanela mapa lir. Alima chuba aser alima osettem ajak ya khen ka khen ka ta laotsü aser maka akümtsu saka Tsüngrem yimlibo kecha agia anokshitsü makok aser teti tatem maka alitsü.
Tsüngrem yimli ya kotak nung aliba Tebu Tsüngrem yimli lir, “Kotak nung aliba Obala Ne nung temeshi sang, Ne yimli arung” Mathi 6:9-10. Tebu Yimli asoshi Yisu Khrista taküm ali, timatem aser kangki dong nung taküm bendanga agütsü. Anungji, Yisu Khristai bendanga tenzük, timtem, aser Pa sür shia aruba ajanga, Tsüngrem yimli taküm lir. Atangji Tsüngrem yimli nungji Khrista teyongtsü lir. Shirnoki Khrista sülen anidaker parnok Tsüngrem yimli nung temoatsü. Tsüngrem Yimli aitsü asoshi asenok tanela nung tanaben asotsüla, asen taküm melenshitsula, asen mulung merüktetsüla aser Pa lenmang nung teti tashi angaa alitsü tim.
Sarasadem : O Kibuba Yisu, Ne Yimli nung teti pela alitsu kü taküm-a agizükangma, Ni melenshitsü tashi agüjangma. Amen

You must be logged in to post a comment Login