Tsüngremer Lenmang

Pai Mosa dang pa sentong aser Israel chirtem dang pa mapatem metetdaktsü. T.Ken 103:7
Tsüngremi inyakba nung na temulung sür linur asü mesüra Pa lenmangtem metetner? Israel nungeri Tsüngremi sayatenya inyakba mapatem angu; parnoki temerem tzüyim ajanga jaja ao, kotak nungi manna aset ozü shi yoka achi, lung nungi tzü atoka ajem aser sayatenya mapa tapu aika angu koba nung parnoki pelatep aser temulung süa liasü. Teyanglur Tsüngrem junga memeteti item temoatsütem anguba nung temulung sür liasü. Saka Mosai item temoatsütem ajanger, Tsüngrem shibai item ajakji agütsür, pa lenmang nung jaja Pa metettsüji ang jangra.
Tanü Israel nunger mesüka tamangertem aika lir. Tsüngremi inyakba nung pelar aser jangra atemer. Pai kongshiba nung temulung asür, Pa mapatema inyaker aser Pai temoatsü agütsüba agizüker, saka Tsüngremer lenmang nung jajasü, Pa metettsü, Pa dang tashi angatsü aser Pa taküm nung Kibur kümdaktsütsü memulunger. Ya kong atemtsü?
Mapang ajak nung Pa lenmang nung jajatsii jangraba takum kümdi.
Sarasadem: Kibur, Na meteta Ne lenmang nung nijajadi. Amen.

You must be logged in to post a comment Login