Tsüngremi sarasademer bushir

“Ni parnok rongnung jara aser kü tetsungda nung nokdaktsü, ni aji raksatsü aliba nungi nokdangtsü nisung ka bushidang saka ni kata mangu.” – Ezekiel 22:30.
Tsüngremi sarasadem ajanga Pa aser nisung tsüngdai aitsü nübu bushir. Ibayongji Tsüngremi ashi “kü tetsüngda nung nokdaktsü… bushidang saka ni kata mangu.” Tsüngrem mulungjang anasa aliba nisung shirnoki pei lima aser nübur asoshi khuret bena nokdaktsü parnok Pai bushir.
Tsüngremi kü sarasadem melangzü nungbo mesüra mepishibatem mapang shitak nung mangu nungbo ta aikati tsübua bilemer. Saka pei lima aser nübur asoshi mapang ajak nung Tsüngrem den jembir nübur aginer.
Alima teraksa tulu aser Tsüngrem nungi atsüngzuka aoba jenti kümogo anungji khuret bena sarasademer aser tetsüngda nung riokdaker Pai aginer. Yisui Yirusalem atema sarasadem dang ajebba ama nützü agi sünga aliba nisung bushir (Mt 23:37). Tsüngrem temeim asen dak lira pei nübur aser pei lima teraksatsüba nungi kümzüktsü atema maneni sarasademtsü.
Sarasadema ka mangashir aser melangzür akümtsü. Saka tezü tetang, nai nentaka nü shilem inyakra teperi.
Sarasadem: Ozü lima aser nübur asoshi Nü tsüngdang sarasadema noktaktsü ni mulunger. Amen.