Tsürabur Sentilemla asüba atema mangyimer: NPF Central Women Wing

Kohima, September 22 (TYO): NPF Central Women Wing tatong Tir, Akokla Lucy tetsü, Wt. Sentilemla Pongen alima nungi pilaba osang angashia NPF Central Women Wing-i jashir, ta tanü President Central NPF Women Wing, Atsole Wezah-i sangdong ka nung metetdaktsü.
La arishi küm 94 liasü aser la ya asür, Mar Chiten Pongen (Chuchuyimlang village) kinüngbu liasü.
Lai chinur 4, semchir 11 aser tanaben semchir 2 toktsür süogo.
“La asüba ajanga onok ajak atema tetsü tajung ka akoksar. La mapa tajungtem aser lai timtem agia lar chinurtem sen senso tajung kaka kümdaktsüba atema la mamatoktettsü. Onoki asür kibong den mangyim lemsateper aser iba ama tejashi mapang nung Tsüngremi parnok nem tesünep agüjang, aser asür tanela tesünep nung anisüngzükdakjang ta sarasademtsür,” ta kasa sangdong ajanga metetdaktsü.