Tuli nung AR gari agi ka tsükset

Dimapur, July 09 (TYO) : Brihostibar anepdang 10:00 ako meta 10 Mile, Tuli nung police ana motorcycle nung mener oya-a lia Assam Rifle truck kati atsükba ajanga ka yangjisa atanga asü aser ka tapo yiruogo, ta sangdong ka ajanga ashi.
Lendong atalokba tesem nung asüsangji Chungtia nunger Imkummeren ta jangjaogo. Tena prongla 2nd NAP jawan lir, ta kasa osang ajanga ashi.
Tena ya Yajang nungi Tuli-i atuba mapang iba lendong atalok liasü aser iba dak sendakba nung Assam Rifle gari anisangji pua lir, ta kasa sangdong ajanga ashi.

You must be logged in to post a comment Login