US Tir Trump yarisang Steve-i tashi mangar

Washington, Jan 17 (Agencies) : Taoba nung US Tir, Donald Trump den inyaksang asalentong yanglur mongin, Steve Bannon dang ‘House intelligence panel’ ka ajanga tasüngdangba kar asüngdang saka pai iba
nungji telangzüba magütsü.
Taoba nung US Tir election atema nüboyimba mapang Russia nungeri teka amuoka inyak ta temulung malemba maparen kar nung iba luden ajanga pa dang tasüngdangba kar asüngdang.
Iba dak sendakba nung mezüngbubaren Bannon dang asüngdang saka pai kecha telangzüba magütsü nungji kechi südir süaka pai aruagi telangzüba agütsütsüla, ta züngzüktsü.
Yamaji süaka Bannon-i telangzüba kecha magütsü, ta iba luden nung Democrat nungi Representative tazüng Adam Schiff-i metetdaktsü. Aji oda, kechi südir süaka jaokba ama obendangertem madakai arutsüla,
ta Special Counsel Robert Mueller-i Bannon nem züngzüktsü (subpoenaed). 2016 küm Tir menden atema Trump nübo yima jajaba maparen nung Russia nunger densema liasü ta temulung malem bilemba maparen
nung kuli tejangja asüngdangyatsü atema pa jaok, ta New York Times osang ajanga metetdaktsü.
Trump den külemi teka amteper inyakertem rongnung Mueller-i mezüngbuba yamai ozüng tashi amshia jaokbaji pa mezüngbuba asütsü.
Iba dak sendakba nungjibo Mueller office nungi otongdari kecha telangzüba magütsü aser Bannon atema shimba okatsür dena tongtepratep mesüteti liasü.