USA-i Winter Olympics Games ayongzüktsü asoshi jangrar

October 14, 2017 (Agencies): US Olympic Committee puri Winter Olympics atema bid süner, saka 2026 asü 2030 asayamung atema bid asüjar telemtetba magiteti lir.
“Onoki Winter Games host asütsüba atema jangrar,” ta USOC chairman Larry Probst-i osang benertem dang Colorado Springs, Colorado nung USOC Assembly mapang ashi.
“2028 küm asayamung asoshi terenemshiba den memangmangteptsü atema 2030 küm atema ang bid asütsü südi,” ta Los Angeles nung Summer Games akatsü asoshi temelaba agüja aliba indang sür arua Probst-i ashi.
United States-i Winter Games ya tatembangsa Salt Lake City nung 2002 küm ayongzüka munga lir.
USOC board züngsemtemi 2026 mesera 2030 Winter Olympic atema bid asütsü asoshi Hokolbarnü tatsü talang ajak asatepa jembiogo, ta Probst-i ashiba den külemi International Olympic Committee nungi bid asütsüba inyakyim dak sendakba nung osang tejangja nüngdaker, ta shisem.
Probst-isa ashiba agi, 2026 aser 2030 Olympics na prongla atema IOC-i vote ka nung dang Paris 2024 aser Los Angeles 2028 ama temelaba agütsüdi süra USOC puri iba sensaksem nung shilem aginer.
Inyakyimji yamaji dang ora USOC-i asayamung atema bid sütepba taruba round nung shilem agitsü asoshi jangrartsü akok.
Iba amaji dang süra parnoki yimti tulu ka taruba March ita tashi nungbo shimtsüsa akümtsü, ta Probst-isa shisem.
Salt Lake City, Denver, California aser Nevada arrtsü nung aliba Reno-Tahoe yimti aser tanga yimtitemi iba asayamung ayongzüktsüba atema tejangraba lemsatepogo.
“Onoki kecha telemtetba magi tsüngda inyakyim angatettsüba atema IOC den sensaksemtsü nüngdaker,” ta USOC chief executive Scott Blackmun-i ashi.
2018 Winter Games February ita Pyeongchang, South Korea nung aser Summer Games 2020 Tokyo nung asayatsüba lir.