Vijay Hazare Trophy nung Harbhajan-i Punjab team anitsü

Mohali, Tsüklai 2 (Agencies): Karnataka nung Tsüklai 7 nungi 16, 2018 tashi asayatsü aliba Vijay Hazare Trophy one-day cricket tournament nung off-spinner tejen, Harbhajan Singh-i Punjab team anitsü, ta Punjab Cricket Association (PCA) ajanga Rogonü (Friday) metetdaktsü. Maneni Yuvraj Singh iba team nung vice-captain asütsü.
Senior men’s one-day Vijay Hazare Trophy Group-A All India league nung Punjab nungi asayatsüpurtem ya taoba mapang India nunger cricket asayar aser PCA mendenpuba, Yashpal Sharma-i anir senior selection committee ka ajanga shim.
Tsüklai 7 nü Punjab team-i mezüng league match ya Haryana den asayatsü jangjaogo.
Punjab team nungi shilem agitsüpur tenüng yamai alitsü:
Harbahajn Singh (Captain), Yuvraj Singh (Vice-Captain), Manan Vohra, Mandeep Singh, Gurkeerat Singh Mann, Abhishek Gupta, Gitansh Khera, Siddharth Kaul, Sandeep Sharma, Abhishek Sharma, Shubman Gill, Manpreet Singh Grewal, Barinder Singh Sran, Mayank Markande aser Sharad Lumba.