Vijender-i mezüngsüa September ita tsüngteptsü

New Delhi, July 15 (Agencies): India’er Olympic bronze medallist tsüngteper, Vijender Singh-i professional sabang nung tetsüng ajemokba sülen taküm September ita mezüngsüa England nung tsüngtepa shilem agitsü renemogo.
Vijender-i Queensberry Promotions telok den tezüngzüktep agiba sülen par telok tenüng nung tajemba agi 6 ben tashi tsüngtepa mezüngbuba küm shilem agitsü nangzüktepa lir.
Arishi küm 29 tain Vijender-i tan July ita 27 nü nungi tenzüka Manchester yimti nung nungtugu tesayur Lee Beard tesayuba kübok terenemshiba agi tenzüktsü renema lir.
“Taküm nung kechisarena ajunga ajangzüktsüji kanga dang tasak aser iba tangatetba nung ni anogoshia kü mera agir. Ni tanü tashi nung amateur tetoktepba 200 shi nung shilem agiogo aser ozü India linük tenünga professional boxing sabang nung alimai meteta kümdaktsütsü alizüng tulu yua lir,” ta Vijender-i metetdaktsü.