Virat Kohli-i otsü tasen ka yangluogo

India nunger cricket asayar aser Captain Virat Kohli-i tawa One Day International asaya nung runs 8000 yangluteta, cricket asayar rongnung runs tekaratiba nguteter rongnung otsü tasen ka yanglutetogo. Virat-i iba alizüng ya ICC Champion’s Trophy asayamung nung Bangladesh den semi final asayadang 175buba innings nung nguteta liasü. Taoba mapang kasa record ya South African captain AB de Villiers-i runs 8000 ji 182 innings nung yanglua lia Virat-i ajangtetogo.
Tang tashi nung runs tekaratiba 8000 tashi angurtem parnok 5 yamai alitsü: Virat Kohli-i 175 innings nung, AB de Villiers-i 182 innings nung, Sourav Ganguly 200 innings nung, Sachin Tendulkar 210 innings nung aser Brian Lara-i 211 innings nung ta ngua lir.