Wabang aser Kümzük (T.Ken 59: 1-17)

Na kichiba ajanga lendong nungi kümzükdanga lir asü ? Iba lenmang nungi Paul Damaska nung kümzük (T.M.9) aser Dawida kichiba nungi kümzük (1Sam. 19). Kenü Dawid kidangi ao aser pa miima tempangogo ta putet. Tebutsü pa kichiba ajanga odaktsü aser pa tsükchirtem nungi kümzük. Iba ken nung Dawid kümzükba tejangja lemang pezü angur.
Mezüngbuba, Tsüngremi angur ta Dawidi metet, anungji pai sarasadem (t. 1-5). Dawid wabangtsü aser kümzüktsü nüngdaka liasü. Pa tsükchirtemi pa indang tiyazü ashi. Nai tai memena sür timatemtsübaji tasak. Saka Tsüngrem Chuba menden nung lir aser Pai asenok repranga alir. Pai asenok timtem metet. Kodang na timtem nung lidir, Tsüngremi na ngua lir ta bilemtetang. Pa dang sarasademang- Pai angaa lir.
Tanabuba, Tsüngremi angashir ta Dawidi tejangja meteta liasü, anungji pai ataa ali (t. 6-9). Kodang asenoki ataa lidir, Tsüngremi mapa aika ataloktsü, aser asenok tashi itshir (t.9; Isa. 40:31).
Tasembuba, Tsüngremi yimsü asür ta Dawidi metet, anungji pai ataa ali (t. 10-13). Tsüngrem Dawid den taochi agi ajurutep aser tsükchir den obendangba agi ajurutep. Tsüngremi tsükchirtem prokshidakjang ta sarasadem, parnok anenjang aser samajang ta sarasadem.
Pezübuba, Tsüngremi kümzüker ta Dawidi metet, anungji pai ken aten (t.14-17). Asenoki tetibo nüburtem mapa anendaktsütsü makok. Dawid tebutsü pa oadoktsüla mesüra anepdangbo pa asütsü ta tekümdangtsü agütsü (1Sam. 19:11), aji odasüaka pai anepdang Tsüngrem taochi ken atentsü koka liasü (t.16). Tsüngremi sarasadem langzür külen teti Pa tenüng sangang.
Tsükchirtemi na arishidang nai ne tamang koda amshir? Sarasadem ajanga langzüang, ataang, amangang aser ken tenang.

You must be logged in to post a comment Login