World Cup Finals atema Shapath Qualify süogo

New Delhi, September 16 (Agencies): India nunger lanur asayar Shapath Bhardwaj tetushi shooting ISSF World Cup Finals nung shilem agitsü asoshi jenjang ngutetogo. Pa arishi küm 15 dang lir aser taoba ita Italy nung Junior World Cup asayaba mapang nung pai bronze medal ka nguteta liasü. Pa double trap asaya nung Ankur Mittal aser Sangram Dahiya nunger den asayatsü.
World Cup finals ya International Shooting Sport Federation kübok asayamung tulutiba lir aser iba ya Dr Karni Singh Shooting Range nung taruba ita akatsü.
Pistol akhar Jitu Rai, Ravi Kumar (10m air rifle), Pooja Ghatkar (10m air rifle), Amanpreet Singh (50m pistol), Meghana Sajjanar aser Deepak Kumar (10m mixed air rifle), Rai aser Heena Sidhu (10m air pistol mixed) nungera iba asayamung nung shilem agiba angutsü. Rai event asem nung shilem agiba angutsü-10m air pistol, 50m pistol aser mixed team.
Iba asayamung nung shilem agitsü asoshi India, Mexico aser Cyprus nung World Cup asayaba dak ajemdaker asayartem qualify sütsüogo.
Junior jenjang nung bronze medal anguba den külemi Shapath-i Shotgun World Cup, Moscow nung asayadang team gold medal nguogo. Bhardwaj ya Meerut nungi lir aser pa class 10 nung azünger. Maneni pa ya TOP scheme atema elite athletes 45 shimba nung Olympic medallists PV Sindhu, Sakshi Malik aser Saina Nehwal nungertem den züngoksemogo.
Taoba küm November ita Patiala nung selection trails agiba mapang nung Bhardwaj ya jangjaa aküm aser iba mapang nung pa India double trap team atema shima liasü.
Pa senior teammate Ankur Mittal aser Sangram Dahya nunger den ISSF World Cup, Delhi nung February ita asayaba nung aser ISSF World Cup April ita Mexico nung asayaba nung shilem agia liasü, kong pai 10 aser 12buba jenjang tongtet.
Iba sülen pai ISSF World Cup, Cyprus nung asayaba mapang qualifying round nung jenjang 4buba tongteta liasü, aser pai iba asayamung final tongteta jenjang 6buba nung tembang.