World Junior C’ship nung India nunger jenjang 6buba nung tembang

New Delhi, October 14 (Agencies): Yogjakarta, Indonesia nung BWF World Junior Mixed Team Championships 5buba aser 6buba jenjang atema tetoktepba nung India nungeri Indonesia 1-3 agi mekoki 6buba nung tembangogo. Quarterfinals asaya nung India nungertemi Malaysia mekoki liasü. India nunger ya group stages nungbo khen danga tamakok ngua mali saka iba kasa yimya nung parnoki masayateti Malaysia den quarter final nung aser iba sülen Indonesia, ta makok.
India nunger asayartemi tebilemba ama masayatet. Tarep temeyoktepa asaya nung Dhruv Kapila aser Rutuparna Panda na Siti Fadia Silva Ramadhanti aser Rinov Rivaldy nati 21-11, 21-6 agi minute 28 buba nung akok. Tebur kicha asaya nung Karthikey Gulshan Kumar shiba World No.2 Lakshya Sen melena asaya, pai kanga meranga asaya saka 16-21, 20-22 agi Ikshan Leonardo Rumbay makok. Tena asaya minute 46 asayaa liasü.
Iba sülen tebur tarep asayar Krishna Prasad Garaga aser Dhruv Kapila nati Muhammad Sohibul Fikri aser Adnan Maulana 24-22, 23-21 agi koka India nunger atema takok ka agütsü. Ajisüaka Aakarshi Kashyap-i, Gregoria Tunjung 22-24, 21-23 agi tera agi makokba ajanga India nungeri jenjang 5buba majangtet.
“Ajaki kanga junga asayaogo aser asayartemi asayab nung ni kanga temolung süogo. Aaü osang kanga tajungbo masü saka iba asayamung nung aika angazükogo,” ta coach Sanjay Mishra-i ashi. India nungeri medal mongutetaka 2015 küm jenjang 8buba nung tembangba dang nungi taküm jenjang ana tejakleni tua takok ngutetogo.
“Medal angizüka iba asayamung tembang asünung kanga jungla, saka asayartemi parnoki akokba tashi tajungba asayaogo,” ta BAI secretary Anup Narang-i ashi. India nungeri iba asayamung nung 2008 küm jenjang pezübuba tongteta lir koba tang tashi nung tajungtiba lir.