Xi tebilembatem linük temzüng nung enoksemtsü

Beijing, Jan 19 (Agencies) : China nung ruling Communist Party-i par Tir, Xi Jinping indang yimten tebilembatem linük temzüng nung enoksemtsü, ta tanü Hokolbarnü sorkar osang ajanga metetdaktsüogo.
Xi indang tebilembatem enoksemtsü atema party congress-ia küm pongu nung ken inyakba ama taoba October nung party constitution melenshi.
“Xi Jinping Thought on Socialism with Chinese Characteristics for a New Era” enoksemtsü atema party pur ajaki mulunga temzüngji melenshi.
Aji oda Beijing yimti nung anogo ana senden amenba sülen party- i kasaji tang linük temzüng nunga enoksemtsü atema onük benoko, ta Xinhua state news agency ajanga metetdaktsü.
Mezüng yanglushibaji state constitution atema asünung, March ita nung senden alidang parliament nungia temelaba agitsü nüngdaker.
Party constitution asoshi Xi-i tenüng tajung ngutetogo aser ajak shidak inyakteta ora taoba lenirtemi tatishitsü sayuba, ‘Mao Zedong Thought’ aser ‘Deng Xiaoping Theory’ amala maongka paia ngutettsü.