Xiaomi Redmi Note 5 smartphone Flipkart nung dang angutsü

New Delhi, Tsüklai 09 (Agencies): Tawa Xiaomi-i Tsüklai 14, 2018 nü smartpohone tasen sayaba sentong nung adentsü atema osangbenertem jaoka lir, aser iba mapang nungji company-i Xiaomi Redmi 5 mesüra Xiaomi Redmi Note 5 smartphone sayatsü imlar, ta osang ka ajanga metetdaktsü.
Tang Indian e-commerce tongti, Flipkart-i smartphone tasenbaji parnok indang sabang ajanga dang angutsü, ta metetdaktsüogo.
Company-i iba osangji parnok indang official Twitter account ajanga metetdaktsü.
Parnoki twitter ajanga, “Kanga pelar @gauravkapur. Nisung ajaki @XiaomiIndia’s yongyar ama reprangteter. Tsüklai 14, 2018 anüngdang 12:00 ako nung Flipkart lapokdangang aser kechi lidir reprangdangang. #WhoIsTheAllRounder http://bit.ly/2EM5I2t,” ta metetdaktsü.
Yaküma Redmi Note 4 smartphone ji Flipkart ajanga dang angu, aser smartphone timtiba ayokbaji Xiaomi indang company-i adokba phone liasü, ajisüaka Redmi Note 5 adokba ajanga company-i Redmi Note 4 yangluba anentsü südi.
Tan hopta tetenzüklen Xiaomi sentong ka nung adener kati, company-i Redmi Note 5 sayatsü, ta sangdonga liasü. Xiaomi Redmi Note 5 nungji bezel-less display alitsü ta osang angazüker, aser ibaji shidak süra iba jenjang nung full screen display aliba smartphone mezüngbubaji Redmi Note 5 asutsü. Iba smartphone nung 5.7-inch HD+ display den 18:9 aspect ratio alitsü. Iba smartphone is ji Qualcomm Snapdragon 650 processor ajanga tashi agutsütsü. Company-i smartphone tapu ana- 2GB aser 3GB RAM nung sayatsü imlar.